تابع : روآية قيود آلصمت

الجــــــزء الــ5|~ اكثر جزء اثاره ..

الساعه 4 العصر .. في غرفة خالد ..
ساره توها راجعه من الكليه .. وتعباانه .. تشوووف خالد نايم .. ااااااه متى يصحى مليت اجلس لحالي ..
ابي ارووح اخذ لي شور واجلس عند عمي وعمتي وعهد ..

وتدخل الحمام الله يكرمكم .. ويسمع خالد باب الحمام يسكر .. ويقول هذي اكيد ساره .. ويشوف ساعته ..
ويقول .. اووووووف الساعه اربع ونص .. ويقووم .. ياخذ ملابسه من الدولاب .. ويجلس على الكرسي يتحرا
ساره تطلع من الحماام .. الله يكرمكم .. عشان ياخذ هو الثاني شور ..
ساره تطلع بعد ما اخذت شور .. وتتفجاء ..خالد ..؟؟ منو صحاك ..؟
خالد .. انا صحيت بنفسي .. طيب ليه ما صحتيني ؟؟
ساره .. انا توني دحين راجعه من الكليه وشفتك تعبان قلت خليه نايم ..
خالد .. منو تحت ..
ساره .. ما في احد .. غير عمي وعمتي وعهد زوجة فهد .. ورهام راح تجي بعد اشوي ..
خالد وهو يقرب من وجهها .. ساره وش فيه وجهك ذبلان ؟؟
ساره ..ااااا من التعب تعرف هالفترى مافي احد ينام في هالبيت هذا .. وكلهم بالهم مشغوول .. واولهم انت ..
شووف حالك لاعاد تاكل ولا حتى تنام عدل مثل النااس .. وقليل صرت اشوفك ..
خالد .. ادري اني مقصر معك يا ساره بس المفروض تعذريني ..

ساره . انا عذرتك يا ولد عمي .. واذا ما عذرتك انا منو يعذرك ؟؟ ما تقول لي ..
خالد .. والله وفيج الخير يا بنت عمي ..
ساره .. ههههه انا بنت ابو عبداالرحمن .. مو اي وحده .. ويالله انا راح انزل تبغى مني حاجه ؟؟
خالد ..ابغــى سلامتك يارووحي ..
ساره .. الله يسلمك يا رووح ساره ...

السااعه 7 المغرب ..

اظلم الليل واصوات غريبه تسمعها ..!! سكووووت يولد الخوف في قلبها ..
تتنهد وتبكي ..و تحاول تقاوم ..و تحاول تعيش ..تحاول تتحمــل الجــوع والعـطـش اللي ذابحها ..

تشوف الظلم بعيونها ..وتشووف ظلم المكان اللي جالسه فيه .. وتدور وتبحث عن نور او ضوء يبعد الخوف عن
قلبها .. وتتلفت بعيونها وبالخوف الي سكن قلبها صارت تتخيل اشياء واشيااء تخوفها اكثـــر ..
صارت تتخيل
الوحووش جداامها .. صارت تتخيل باشكال غريبه تقرب منها ..
وهي ما بيدها غير انها تتلفت بنظراتها الحايره وتدور عن نور يبعد الخوف عن قلبها .
وتصيح وتتنهد والبلعومها نااشف وبطنها جوعااان ..

ومرات تتخيل انه احد يمد لها كاست مويه وفجاء يختفي ..
ومرات تتخيل بان امها جداامها وتحاول تقوم ولا تقدر وتختفي .. وتتخيل اشيااء وتخاف منهاا ..

وهي تتنهد .. خلااااااااااص كافي اوهاام وخدع .. ابي ارجع للبيت اااه ليت اللي صار لي حلم وينتهي ..

في بيت ابو عبد الرحمن ..

رهاام .. انا رااايحه لبيت امي عمتي تبغين مني حااجه ..
ام عبد الرحمن ..لا تسلمين ..بس سلميلي على امك يا رهاام ..
رهاام .. يوصل يا عمتي ..
عادل .. رهاام اخذي معك جمعاان لا تخلينه عند الخداامه ..
رهام .. لا تخاف يا عادل ماراح اتركه ..
ام عبدالرحمن .. وليه ما تبغى الخدامه تمسكه ..؟

عادل .. يمه انا طبعي كذا وتعرف رهاام ليه ما احب اترك اولدي عند الخداامه ..
ام عبد الرحمن .. اجل اترك جمعان الصغير عندي وانا راح احرص عليه .. وخل رهام تقعد عند امها
تواسيها .. واذا رهام اخذت جمعان ماراح تراقبه ولا راح تجلس عند امها ..؟

عادل .. يمه لو سمحتي انا ابغى رهاام تاخذه والخدامه تشووف شغلها هنا .. وما ابغى يتعبك الولد هنا ..

ام عبد الحمن .. وش الكلام يا عادل .. جمعان صغير ولا راح يتعبني ..ولا تنسى اعيال اخوك عبد الرحمن
انا اللي داايم اجلس عندهم ..

عادل .. ما نسيت يا يمه لكن اسمحيلي ..
تقااطعه رهاام .. عاادل مو كذا الكلام .. انت تبي عمتي تزعل عليك .. وش فيها جمعاان صغير .. وانا
ما عندي مانع اخذه او تاخذه عمتي بس مو كذا ترد على امك ..؟

عادل .. انا طاللع وقبل لا اطلع لا تنسين اللي قلته لج يا رهام .. يالله فمان الله ويطلع ..
رهاام تلحقه .. عادل عادل استنى .. ويرووح ويخليها ..
رهام .. يؤؤؤؤ زعل منو اللي يرضيه عاد ..

ام عبد الرحمن .. خليه هو داايم يزعل .. انا اعرفه ما يبغاني امسك اعياله ..
رهاام . لا يا عمتي عادل قلبه طيب .. بس تلقينه متضاايق من الشغل ومتااعبه ..

ام عبد الرحمن ... خلاص يا بنتي رووحي لاهلك اظلم الليل ..
رهام ..طيب انا راح امشي
تدخل .. بشاير ..
السلام عليكم ..
رهام .. وعليكم السلام والرحمه ..
بشاير .. وش فيكم ..؟؟ وتقرب لجمعان الصغير .. ياتلبي انت تجنن نفس عمتك بتاير ..
جمعان .. بتاير بتاير << يعني بشاير ..
بشاير .. يا عيون بتاير انت .
ام عبد الحمن .. رهاام روحي وبشاير تجلس مع جمعان ..
رهام.. لا يا عمتي عادل قال كلمته وما اقدر اخالفه ..
بشاير.. انتي قولي له عند بشاير وماراح يعصب .
رهام بضحكه .. ههه عمتي قالت خليه عندي ورفض كيف انتي .. وانتي عليك دراسه ..
بشاير .. لا يهمك ما علي شي غير اني ابوووس الحلو ذا طالع قمر يا عيني جوجو
جمعان .. بتاير انا جمعان أأأأأأ جوجو
بشاير .. وانا بشاير أأأ بتاير ..
تضحك ام عبدالرحمن على جمعان .
رهاام .. يالله فمان الله يا عمتي ..
ام عبد الرحمن .. فماان الله ...
بشاير .. قبل لا ترووحي خليني ابووووسه بوسه قويه ..وتبوسه بشاير وهو يبكي الانه بشاير ظامته مره
وهو يصيح اااااااااااااااااااااااا
بشاير يااحلوك حتى حبتك سكر ..
رهام .. فمان الله ..
بشاير .. فمان الله ..

في بيت .. ابو عبدالله تحديدا في الصاله .. كانوا متجمعين .. ام عبدالله
ورهام والجازي وعهد وساره .. وابو عبدالله ..
ساره ورهام وعهد كانوا بعيد اشوي عن الباقي ويتهامسون ..

رهاام .. ساره وش فيك ؟؟ وجهه صاير ذبلان .. ؟
ساره بضحكه .. ههه حتى خالد يقول لي .. لكن ان اقول من الكليه والتعب والتفكير في ريم ..
عهد .. ساره تحسين بلوعت كبد مثلا ..
ساره .. لالا يا عهد ما اظن اللي تفكرين فيه ..
رهاام .. وليه ما نفكر دامك على ذمة رجال ..
ابــو عبدالله يقاطعم .. وش بلاكم تتهامسون .. ؟
رهاام ..سلامتك يبه جالسين نسوولف ..
الجازي كانت تسوالف مع عمها ..
الجاازي .. ها يا عمي كمــل .. وهم ما سمعتوا شي عنها ..؟
ابو عبدالله يتنهد.. ااا يا الجاازي .. تعبنا في كل المنااطق تحديدا بلغنا عنها لكن مافي خبر .. مافي غير
نتظر الفرج من الله ..
الجازي .. ونعم بالله .. لكن بكره راح يصير لها 6 اياام من غابت ..
ام عبدالله كانت تسمعهم ودمعتها حاايره بين خدها وهدبها ..لكن ايماانها القوي بالله ماراح يضيع ..
بانه يرد ريم لهم ..
وهي تتنهد بصوووت مسمووع .اااااااااا يارب ترحم كريم .. وترحم حال المسكين ..
والكل كان يشووفها وهي تتنهد بالم وترجي .. والكل يشوف ام عبدالله ودمعها اللي ينزل بحسره على بنتهااا ..
لكن وش نقوول غير ربي يصبرها على بلواها ..

الساعه 5 الفجر ..
في شقة الوحووش .. عمر ما قدر ينام ..ضميره طول الليل يعذبه .. وطوول الليل يعاتب نفسه ..
صحى وهو ندماان على كل شي سواه فيها .. وهو يقوول ااااه وش ينفع الندم دحين ..

ابدااح .. وش اللي صحاك دحين ياعمر ..؟ وش فيك شكلك ما نمت ..

عمر .. هلا ابدااح .. مافيني شي .. وهو يدخل للمطبخ ياخذ كاست حليب ويتذكر ريم لمى شاف الحليب ..
ابدااح يلحقه لمطبخ .. عمر وش فيك تشوف الحليب كذا ؟ ووش فيك سرحاان .؟؟
عمر .. اااه يا بدااح احس قلبي يوجعني ..
ابدااح .. ليه عشاان اللي سوينااه في ريم ..
عمر .. انت بعد يا ابدااح تتعذب مثلي..

ابدااح بضحكه متسهزا.. ههههههههههه انا مافيني ذرت رحمه او تعاطف مثلك .. والله كنت حاس انك
متعاطف وقلبك ابيض معها ..من اول ما قلت حرام حق علي لمى كان يبغة يدفن ريم ...
عمر بصرااخ .. قلبي يعذبني على جريمتي اللي سويتها بيدي .. الاني اول مره اسوي كذا والعن ابو الحاجه
اللي ذلتني وعذبتني كذا .. والله لو ادري اني راح اتعذب كذا ما سويتها ..
ابدااح .. ههه لـــو ....انت الحين اكلت معنا ولــو ما تنفع لك دحين ..

عمر .. وش اسوي غير اني اتعذب واتحمل اللي سويته بيدي ..

ابدااح .. عمر لا تبين للجاسم او علي انك متندم .. والله لو تقول لهم راح يوروك انجوم الظحى..
وتدري وش راح يقووول لك او يفكر علي انه يراقبك وراح يخاف منك من الحين .. انك تعلم عليه ..
او انك تقول لاي احد انه معكم ..
عمر .. لاتخاااف يا ابداح ماراح اقول لهم .. مشكوور انك علمتني ..
ابدااح .. العفو يا عمر وانت رفيقي وهذا وااجبي بس لا تخااف راح تتعذب الحين وبكره راح تتعود ..

عمر ..وهو يقول في قــلبه .
انا راح اجيب ريم من البر وارميها في المكان اللي لقيناها فيه بس ياليت ما تكون ميته .. بس مو الحين
لمى يطلع ابدااح من الشقه ..

الســـاعه 7 الصبح ..
متعب .. عمره 26 سنه .. عنده كلبه اسمها (عبله )

رجاال بدوي حـده ..يسكن في قريه بدائيه (نائيه) لا فيها كهرباء ولا حتى مويه . لكن يوصل لهم الماي بسهوله
عن طريق التناكر (السيارات المحمله بالماء) .. متعب .. ساكن بروحه و عنده اخت اسمها حصه ..
متزوجه من قبلان صديق متعب.. وعنده راس غنم شريك مع قبلان زوج اخته ..

متعب واقف عند بااب بيته عند وانيته << سيارته

مع كلبته (عبله) كان يبي يمشي للغنم .. تناديه حصه .. متعب متعب
متعب.. هلا حصه وش بلاك ..
حصه .. سلامتك يا اخوي اباك تقول لقبلان يجيب معه لبن الانه اللي عندي خرب ..
متعب.. ما طلبتي شي يا ام محمد ..
حصه .. تسلم والله يا اخووي ..
متعب.. تبغين حااجه ثانيه قبل لا اروح ..
حصه .. سلامتك ..
متعب ... الله يسلمج .. والله الله في الغدا يا ام محمد ما اوصيج ..
حصه .. لا توصي حريص يالغالي ..
متعب .. فماان الله اجل ..
حصه .. فمان الله ..
ويركب متعب وانيته مع عبله يبي يمشي للغنم ..
وهو مااشي في طريق العام للربع الخالي ..يوقف على جنب ..
كان متعب حصراان يبي يتبول (الله يكرمكم ) (هههه تابعوا من غير ضحك )

وقف على جنب بعيد عن الشارع شوي .. ونزل من وانيته .. جلس على زبره (قطعه ارض مرتفعه )
وبعد ما خلص شااف عبله تسحب شي ابيض بيعد اشوي عن مكانه اللي واقف منه ..
قرب لعبله .. وحاول يناديها لكن عبله اركضت لمتعب وامسكت ثووبه وقامت تسحبه للشي الابيض وكانها تقول
تعال شوف وش اللي فيه ..
متعب حب يعرف وش اللي تبي منه .. وشااف الكفن الابيض .. وتعوذ من ابليس وحاول يرجع لوراء خطوه
لكن كانت عبله تسحبه لشي الابيض ..
متعب مستغرب .. كــفــن في البر مرمي كذا ؟؟!!!.. حررام عليهم ما ادفنوه ,!!!,

قرب متعب للكفن وشاف انه الوجه كان باين شوي.. تفااجاء لمى شااف الوجه قال هذي بنت ..
وشعرها ابيض لــيش ؟؟ لا هذي اكيد جنيه .. لا اكيد جنيه ويتعوذ من ابليس .. لكن كانت عبله تصرخ
وتعوي له بانه البنت حيه .. وتعض عبله ريم مع يدها وتسحبها لمتعب الانه كانت ريم خفيفه مره
..اللي شااف وجهها عدل وشاف الشريط الاصق على فمها .. وشااف الدم اللي على الكفن الابيض متروس ..

وقرب منها قريب .. وشااف عيونها ترتجف .. وشال من فمها الشريط اللي كان يزعجها .. وجلس يتامل فيها
كانت شبه ميته .. طاايحه تتنهد باخر انفااس لهـــا .. كانت تطلب من الله ان الله يصبرها ويريحها من دون
عذااب .. وكان كل شي فيها يرتجف ..حتى شفايفها العطشاانه اليابسه من المااا .. وحتى نظراتها كان ترجف ..
كانت تشووف الدنيا تدور حواليها ..

متعب لمى عرف انه البنت عايشه ركض للوانيت وجااب معه موويه .. وسقاااها بيده بشويش .. واخذ بيده
الثانيه يسندها على صدره .. ويسقيها ويرشف المويه على وجهها ويمسحها ويرمي الكفن عنها ولاحظ
انه البنت شبه عاريه وسترها بالكفن مره ثانيه اللي كان فيه بقعات دم ..
وحملها بين يدينه وحطها في الوانيت ..

وهويشوفها ويقول ياربي وش سالفة هالبنت؟؟.. ليه مرميه في هنـــا؟؟
ليه ملفوفه بالكفن ؟؟ ليه شعرها ابيض كذا ؟؟ وش اللي جابها هناا .؟؟ وش اللي جرى لها .. ؟؟
ويركب متعب الوانيت وهو يسال نفسه هالاساله ؟؟ ويعود لبيته ..
اللي كان ناوي يرووح للغنم لقبلان .. ولمى شاف البنت هون ورجع للبيت ..

باسرع وقت .... وهو في الطريق يشووف البنت تتنهد بصووت مسمووع ويشووف انها صحت ونظراتها
كانت تلتفت .. وكانها تقول ويني من غير صوت .. ورجعت وغفت مره ثانيه..
متعب .. كويس انها عايشه ..

ولمى وصل للبيت لاحظ مافي احد في الفريج اللي ساكن فيه ( يعني مافي احد يشوفه وهو شايل ريم بين يده
الانه رجال عزوبي وعنده بيت برووحه وخااف يقولون عنه كلام ..)
ودخل متعب بيته اللي سااكن فيه .. وحط ريم على فرااشه اللي على الارض
.. ومدها .. وصحت ريم مره ثانيه
تلتفت بنظراتها الناعسه حزينه من دون اي كلمه .. بس تتنهد .. ورجعت نامت
.. متعب كان يشوفها وهي تصحى وتنام
ويشووف الدم على وجهها وعلى جسمهاا ...وحااول يجيب منشفه مبلووله بها مويه
.. ويمسح وجهها من الدم
.. وثم قال استغفر الله .. انا لازم انادي حصه اختي .. البنت مجرووحه حيل وعاريه ..
وانا ما اقدر المسها .. البنت مو حرم لي ..

لكن وش راح اقوول لها .. وش راح تقول لي
اكيد راح تقوول من وين جبتها .. انا ما ابي احد يدري فيها ..

يتنهد بقووه .. ااااااااااا ياربي ..

يالله انا رايح لحصه وقف عند البااب لقى اخته حصه سابقته وواقفه عند الباب..
حصه بخووف .. متعب وش بلاك .. ليه رجعت بسرعه .. شفت وانيتك وخفت .؟
وش اللي رجعك بسررعه كذا ... فيك حااجه .؟؟

متعب ممبله (مستغرب ) .. حصـــه ..

حصه .. اي حصه وش فيك يا متعب .. فيك شي .. او قبلان فيه حااجه ..
متعب يجلس في صالة بيته .. ادخلي يا حصه ابيك في مووضووع ..
حصه .. قلي وش فيك لي سااعه اترجااك تتكلم .. وشفي وجهك صار الواان ..
متعب .. يا بنت الحلال مافيني شي القصه كلها .. راح اقول لها لك .. بس انتي توعديني ما تقولي لحد فيها ..
حصه .. اوعدك بس قلي وش فيك خاايف وترتجف ..
متعب .. تعالي معي لغرفتي ..!!
حصه .. غرفتك !! لــيه ؟؟
متعب .. انتي تعالي وراح تعرفين كــل شي ..
حصه .. يالله نمشي ونشووف اخرتها وين يا متعب .. صج انك تاعب امي الله يرحمها
وتاعبني معك ..
يفتح متعب غرفته ويدخل ويقول لاخته ادخلي وشووفي بعينك ..
حصه بشهقــه عميقه .. ااااااااااااااا متعب وش اللي سويته ؟؟؟
متعب ..انا ما سويت شي يا حصه .. ؟؟ هالبنت لقيتها مرميه في البر بكفنها الابيض الي كله دم ...
حصه .. وليه شعرها ابيض كــذااا ..
متعب .. هذا اللي محيرني .. وانا كنت اظن انها ميته ..
لكن الكلبه عبله اسحبتها لي وعرفت من عيونها انه حيه ...
حصــه .. انت لازم ترجعها للبر يا متعب ..
متعب .. لا يا حصه ماراح ارجعها وهي كذا ..
حصه .. وش تبي الناس تقوول عنا .. انت ما فكرت في رووحك .. وكلام الناس علينا ..
ولا تنسى انك مو متزوج بعد .. متعب البنت هذي اكيد اهلها رامينها هنا ... اكيد انها بنت حراام ..
متعب يقاطعهااا .. حصه انا قلت كلمتي وحده البنت هذي ماراح ارميها للبر مره ثانيه ..انتي مافيك رحمه ..
البنت تتنهد وكلها جرووح كيف تبغيني ارميها ؟؟